Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Mobile (āīūŋńñţđņļ). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
56. Sacca Saŋyutta
II Dhamma-Cakka-Pavattana Vagga

Sutta 11

Dhammacakkappavattana Suttaŋ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than][nymo][piya][olds][yaho] [391] Evam me sutaŋ:|| ||

Ekaŋ samayaŋ Bhagavā Bārāņasiyaŋ viharati Isipatane Migadāye.|| ||

[421] 2. Tatra kho Bhagavā pañcavaggiye bhikkhū āmantesi:|| ||

"Dve me bhikkhave, antā pabbajitena na sevitabbā.|| ||

Katame dve?|| ||

3. Yo cayāŋ kāmesu kāmasu khallikānuyogo hīno gammo puthujjaniko anariyo anatthasaŋhito,||
yo cāyaŋ attakilamathānuyogo dukkho anariyo anatthasaŋhito.|| ||

Ete te bhikkhave, ubho ante anupakamma majjhimā paţipadā Tathāgatena abhisambuddhā cakkhukaraņī ñāņakaraņī upasamāya abhiññāya sambodhāya nibbānāya saŋvattati.|| ||

4. Katamā ca sā bhikkhave, majjhimā paţipadā Tathāgatena abhisambuddhā cakkhukaraņī ñāņakaraņī upasamāya abhiññāya sambodhāya nibbānāya saŋvattati?|| ||

Ayam eva ariyo aţţhaŋgiko maggo:||
seyyathīdaŋ:||
sammā-diţţhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

Ayaŋ kho sā bhikkhave, majjhimā paţipadā Tathāgatena abhisambuddhā cakkhukaraņī ñāņakaraņī upasamāya abhiññāya sambodhāya nibbānāya saŋvattati.|| ||

5. Idaŋ kho pana bhikkhave, dukkhaŋ ariyasaccaŋ:|| ||

Jāti pi dukkhā,||
jarāpi dukkhā,||
vyādhi pi dukkho,||
maraņam pi dukkhaŋ,||
sokaparidevadukkhadomanassupāyāsā pi dukkhā,||
appiyehi sampayogo dukkho,||
piyehi vippayogo dukkho,||
yam p'icchaŋ na labhati tampi dukkhaŋ,||
saŋkhittena pañcupādānakkhandhā dukkhā".|| ||

6. Idaŋ kho pana bhikkhave, dukkhasamudayo ariyasaccaŋ:|| ||

"Yāyaŋ taņhā ponobhavikā nandi rāgasahagatā tatra tatrābhinandinī,||
seyyathīdaŋ:|| ||

Kāmataņhā,||
bhavataņhā,||
vibhavataņhā".|| ||

7. Idaŋ kho pana bhikkhave, dukkhanirodho ariyasaccaŋ:|| ||

Yo tassā yeva taņhāya asesavirāganirodho cāgo paţinissaggo mutti anālayo.|| ||

8. Idaŋ kho pana bhikkhave, dukkhanirodhagāminī paţipadā [422] ariyasaccaŋ:|| ||

Ayam eva ariyo aţţhaŋgiko maggo,,||
seyyathīdaŋ:||
sammā-diţţhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

9. Idaŋ dukkhaŋ ariyasaccan ti me bhikkhave pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pan'idaŋ dukkhaŋ ariyasaccaŋ pariññeyyan ti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pana idaŋ dukkhaŋ ariyasaccaŋ pariññātanti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

10. Idaŋ dukkhasamudayo ariyasaccan ti me bhikkhave pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pana idaŋ dukkhasamudayo ariyasaccaŋ pahātabbanti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pana idaŋ dukkhasamudayo ariyasaccaŋ pahīnanti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

11. Idaŋ dukkhanirodho ariyasaccanti me bhikkhave pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pana idaŋ dukkhanirodho ariyasaccaŋ sacchikātabbanti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pana idaŋ dukkhanirodho ariyasaccaŋ sacchikatanti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

12. Idaŋ dukkhanirodhagāminī paţipadā ariyasaccanti me bhikkhave pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pana idaŋ dukkhanirodhagāminī paţipadā ariyasaccaŋ bhāvetabbanti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

Taŋ kho pana idaŋ dukkhanirodhagāminī paţipadā ariyasaccaŋ bhāvitanti me bhikkhave, pubbe ananussutesu dhammesu cakkhuŋ udapādi ñāņaŋ udapādi paññā udapādi vijjā udapādi āloko udapādi.|| ||

13. Yāva kīvañca me bhikkhave, imesu catusu ariyasaccesu evaŋ tiparivaţţaŋ dvādasākāraŋ yathābhūtaŋ ñāņadassanaŋ na suvisuddhaŋ ahosi,||
n'eva tāvāhaŋ bhikkhave, [423] sadevake loke samārake sabrahmake sassamaņabrāhmaņiyā pajāya sadeva-manussāya anuttaraŋ sammāsambodhiŋ abhisambuddho paccaññāsiŋ.|| ||

14. Yato ca kho me bhikkhave, imesu catusu ariyasaccesu evaŋ tiparivaţţaŋ dvādasākāraŋ yathābhūtaŋ ñāņadassanaŋ suvisuddhaŋ ahosi,||
athāhaŋ bhikkhave, sadevake loke samārake sabrahmake sassamaņabrāhmaņiyā pajāya sadeva-manussāya anuttaraŋ sammāsambodhiŋ abhisambuddho ti paccaññāsiŋ,||
ñāņañca pana me dassanaŋ udapādi Akuppā me ceto-vimutti, ayam antimā jāti natthidāni punabbhavo ti.|| ||

15. Idam avoca Bhagavā attamanā pañcavaggiyā bhikkhū Bhagavato bhāsitaŋ abhinanduŋ,||
imasamiñ ca pana veyyākara-ņasmiŋ bhaññamāne āyasmato Koņđaññassa virajaŋ vītamalaŋ dhammacakkhuŋ udapādi:

Yaŋ kiñci samudayadhammaŋ sabbantaŋ nirodhadhamman ti.|| ||

16. Evam pavattite ca pana Bhagavatā dhammacakke Bhummā devā saddam anussāvesu: "etaŋ Bhagavatā Bārāņasiyaŋ Isipatane Migadāye anuttaraŋ dhammacakkaŋ pavattitaŋ appativattiyaŋ samaņena vā brāhmaņena vā devena vā mārena vā brahmunā vā kenaci vā lokasminti".|| ||

17. Bhummānaŋ devānaŋ saddaŋ sutvā cātummahārājikā devā saddamanussāvesuŋ: "etaŋ Bhagavatā bārānasiyaŋ Isipatane Migadāye anuttaraŋ dhammacakkaŋ pavattitaŋ appativattiyaŋ samaņena vā brāhmaņena vā devena vā mārena vā brahmunā vā kenaci vā lokasminti".|| ||

18. Cātummahārājikānaŋ devānaŋ saddaŋ sutvā Tāvatiŋsā devā saddamanussāvesuŋ: "etaŋ Bhagavatā Bārāņasiyaŋ Isipatane Migadāye anuttaraŋ dhammacakkaŋ pavattitaŋ appativattiyaŋ samaņena vā brāhmaņena vā devena vā mārena vā brahmunā vā kenaci vā lokasminti".|| ||

Tāvatiŋsānaŋ devānaŋ saddaŋ sutvā yāmā devā saddamanussāvesuŋ: "etaŋ Bhagavatā Bārāņasiyaŋ Isipatane Migadāye anuttaraŋ dhammacakkaŋ pavattitaŋ appativattiyaŋ samaņena vā brāhmaņena vā devena vā mārena vā brahmunā vā kenaci vā lokasminti".|| ||

Yāmānaŋ devānaŋ saddaŋ sutvā tusitā devā saddamanussāvesuŋ: "etaŋ Bhagavatā Bārāņasiyaŋ Isipatane Migadāye anuttaraŋ dhammacakkaŋ pavattitaŋ appativattiyaŋ2 samaņena vā brāhmaņena vā devena vā mārena vā brahmunā vā kenaci vā lokasminti".|| ||

Tusitānaŋ devānaŋ saddaŋ sutvā nimmāņaratī devā saddamanussāvesuŋ: "etaŋ Bhagavatā Bārāņasiyaŋ Isipatane Migadāye anuttaraŋ dhammacakkaŋ pavattitaŋ appativattiyaŋ samaņena vā brāhmaņena vā devena vā mārena vā brahmunā vā kenaci vā lokasminti".|| ||

Tusitānaŋ devānaŋ saddaŋ sutvā paranimmitavasavattī devā saddamanussāvesuŋ: "etaŋ Bhagavatā Bārāņasiyaŋ Isipatane Migadāye anuttaraŋ dhammacakkaŋ pavattitaŋ appativattiyaŋ samaņena vā brāhmaņena vā devena vā mārena vā brahmunā vā kenaci vā lokasminti".|| ||

Paranimmitavasavattīnaŋ devānaŋ saddaŋ sutvā brahmakāyikā devā saddamanussāvesuŋ: "etaŋ Bhagavatā Bārāņasiyaŋ Isipatane Migadāye anuttaraŋ dhammacakkaŋ pavattitaŋ [424] appativattiyaŋ samaņena vā brāhmaņena vā devena vā mārena vā brahmunā vā kenaci vā lokasminti".|| ||

19. Iti ha tena khaņena tena muhuttena yāva Brahmalokā saddo abbhuggañchi.|| ||

Ayañ ca dasasahassī loka-dhātu saŋkampi sampakampi sampavedhi.|| ||

Appamāņo ca u'āro obhāso loke pātur ahosi atikkamma devānaŋ devānubhāvan ti.|| ||

20. Atha kho Bhagavā udānaŋ udānesi:||
Aññāsi vata bho Koņđañño, aññāsi vata bho Koņđañño ti.|| ||

Iti h'idaŋ āyasmato Koņđaññassa Aññā-Koņđañño tv eva nāmaŋ ahosī ti.|| ||

 


Contact:
E-mail
Copyright Statement   Webmaster's Page